lista_publi | plazaola

ARGITALPENAK

Arakil, mapa ilustratua

Arakil, Aralar eta Andia mendilerroen artean kokaturiko harana da, eta alde batera eta bestera Bi Haizpeak eta Oskiako haitzartea ditu. Komunikazio bikaina du Iruñearekin, Arabarekin eta Gipuzkoarekin, eta naturaz gozatzeko ingurune paregabean dago kokatuta.

MAPA

Gida ilustratua

Plazaola gida, Plazaolako Natur Bidearen ingurunea ezagutzeko lagunduko zaituen argitalpena da. Bertan, Aralarko Mendizerra eta inguruan dauden herri eta bailarak ezagutu ahalko dituzu: Arakil, Areso, Imotz, Larraun, Leitza y Lekunberri. Horretaz gain, Plazaolako kide diren alojamenduak, jatetxe eta tabernak, artisauak, ekintzak eta zerbitzuak eskaintzen dituzten enpresak ere agertzen dira. Aipatutako bailaretetaz gain, Araitz, Basaburua, Irurtzun, Sakana eta Ultzaman aurkitu ditzakezu.

Sakatu gida ikusteko PLAZAOLAKO GIDA

Aralar Orienting

Aralar mendian orientazioaren praktika gauzatzeko hiru ibilbideez osatutako gunea. Ibilbide hauek zailtasun maila desberdina dute eta logikoa denez, ez daude seinaleztatuta, helburua mendian orientatzen jakin eta hiru ibilbideetan barna banatuta dauden zenbait lekutara (balizak) iristea baita.

Balizek ibilbidearen progresioa adierazten duten zenbakiak dituzte, eta zenbaki bakoitza kolore batean dago, ibilbidearen zailtasuna adierazten duena (berdea, errazena; urdina, zailtasun ertainekoa, eta gorria, zailena).

Orientazio mapa bat diseinatu da, eta bertan ibilbidea osatzen duten puntuak markatuak daude. Helburua, mapa eta ipar orratza erabiliz orientatzea eta, aukeratutako ibilbidearen arabera (berdea, urdina edo gorria), baliza zenbakidunak ondoz ondo bilatzea.

Informazio panela Guardetxeren aparkalekuan dago, bertatik maila ertain eta aurreratuko ibilbideak abiatzen dira. Era berean, Albiko aparkalekutik hasiera mailako ibilbidea abiatzen da.

Aralar elkarteak sustatutako proiektua da hau, Aralar mendiaren natura, paisaia, kultur balioa eta bertan gauzatzen diren erabilera tradizionalak ezagutarazi eta balioan jartzeko sortua. Baita Aralarko naturgunearen erabilera arduratsua eta errespetuzkoa sustatu, eta jolaserako eta aisialdirako aukera osasungarri eta hezigarriak eskaini. Hau dena Sakana eta Plazaola eskualdetako eskaintza turistikoa haundituz.

Nafarroako Gobernuko dirulaguntza jaso du proiektuak, Nafarroa Ezagutu sareko dirulaguntza deialdiaren bitartez.

Plazaolako Buletina

Buletina irakurtzeko, sakatu HEMEN

Plazaola Gozatu

Hona hemen Plazaolan aurkitu dezakezun eskaintza. Aurten 22 plan ezberdin ditugu, aurreko urtearekin konparatuta 5 eskaintza berri!

https://labur.eus/TPWkk

Plazaolako gida turistikoa

Argitalpen honen funtzio eta helburu nagusia, zonaldeko turismoaren erreferentziaren gida izatea da. Horregatik, informazioa, baliabideen interesaren eta kide diren udalerrien arabera antolatu da. Lehendabizi, zonalde honetako natura eta kulturaren deskripzio-sarrera bat egiten da. Jarraian, baliabide bereziak agertzen dira Plazaola Bide Berdea eta Aralarko Mendizerra (Santutegia, Mendukiloko kobak, Iribaseko iturburuak) eta gero, udalerri bakoitzak dituen baliabideekin sakontzen da. Mota guztietako eta gustu guztietarako, zonaldeko informazioa agertzen da bisitarientzat; alojamenduak, jatetxeak, tabernak, artisauak, saltokiak, ekintzak…

Material honen erabilera, modu arduratsuan egitea nahi dugu; hemen bertan deskargatu dezakezu irudiaren gainean klikatuz, baina paperean nahi ezkero, Lekunberriko Turismo Bulegoan lortu dezakezu.

Bukatzeko aipatu, argitalpen hau, Nafarroako Gobernuko Kultura eta Turismo Sailaren laguntzarekin egin dela.

Plazaola bide berdearen mapa

Bide berdearen 50 kilometro detaile guztiekin daude mapa honetan. Andoaindik Irutzunera profila, iturriak, tunelak, zerbitzu turistikoak...Beharrezko baliabide bat Iruñea Donostia lotzen zuen trenbidetik ametsetako bidaia egiteko zure lagun eta familiarekin.

Aisialdiko proposamenak ere jasotzen dira.

Mapa hau bi hizkuntzetan egin da EUSKARAZ ETA ERDARAZ baino ingelesez eta frantzesez badugu ere.

Aralar-Leitzaran-Ultzama Mapa

Nafar Gobernuak argitaratutako Aralar, Leitzaran eta Ultzamako mapa turistikoa.

Mapan Nafarroan turismon erregistratuak dauden zerbitzu turistikoak agertzen dira; atzekaldean berriz, ekintzak antolatzen dituzten enpresak, artisauak, bisita gidatuak eskaintzen dituzten enpresak eta ibilbideak.